हत्या आरोपमा मलामीसहित ५ जना पक्राउ भैरहवा– आठ महिनाकी गर्भवती श्रीमतीबाट यौन सम्पर्कको प्रस्ताव अस्विकार भएपछि श्रीमानबाट मारिनुपरेको छ ।
घटना रुपन्देहीको सिपवा गाविसको हो । सिपवा–६ का शैलेश मल्लाहले आफ्नो आठ महिनाकी गर्भवती श्रीमती २२ वर्षीया सुनिता मल्लाहलाई यौन सम्पर्क गर्न खोज्दा उनले गर्भवती भएको कारण देखाउँदै अस्विकार गरेकी थिइन । आफ्नो प्रस्ताव अस्विकार भएको देखेपछि मादक पदार्थ सेवन गरि आएका शैलेशले सहन् सकेनन् र श्रीमतीलाई कुटपिट गरेको बयान दिएको प्रहरीको भनाई छ । राती १० बजे हत्या गरि बिहानै ५ बजे लाश जलाउन खोज्दा स्थानीयले प्रहरीलाई खबर गरेपछि मात्र घटना बाहिर आएको हो । कर्तव्य गरि मारेको र अपराध लुकाउन लाशको अन्तिम संस्कार गर्न लागेको आरोपमा मृतकका पति, ससुरा र मलामीसहित ५ जनालाई पक्राउ गरेको रुपन्देही प्रहरी प्रवक्ता डिएसपी रामेश्वर कार्कीले जानकारी दिए । प्रहरीले कारवाही गर्दै अपराध लुकाउन दाहसंस्कार गर्न खोजेको भन्दै सिपवा–६ का मुख्य आरोपी मृतकका पति शैलेश मल्लाह, मृतकका ससुरा ६० वर्षीय रतन मल्लाह र मलामी सोही स्थानका २६ वर्षीय शिवदास कलवार, २७ वर्षीय शिवड मल्लाह र २५ वर्षीय सुरज मल्लाह रहेको प्रहरीको भनाई छ । मृतक सुनिताको शरिरको ७५ प्रतिशत शरिरको भाग जलेको प्रहरीको भनाई छ । ratopati
Write Comment Below:
