काठमाडौं–संयुक्त लोकतान्त्रिक मधेसी मोर्चाले गरेको नाकाबन्दीमा उपस्थिति कम हुन थालेपछि नाकाबन्दी खोल्ने तयारीमा मोर्चा पुगेको छ । मोर्चाको बसेको आइतवारको बैठकमा संघीय समाजवादी फोरम नेपालका अध्यक्ष उपेन्द्र यादवले नाकाबन्दी खोल्ने प्रस्ताव ल्याएको मोर्चाका एक नेताले बताए । नाकामा आन्दोलनकारीको संख्या कम भएपछि मोर्चाले किसानको बहाना बनाएको छ । मोर्चामा देखिएको आन्तरिक द्धन्द्वले गर्दा नेताहरु मधेस जान छाडेका छन् र त्यसले गर्दा आन्दोलनकारीमा निराशा उत्पन्न भएको छ । नाकाबन्दीका कारण किसानलाई आफ्नो उखु मिलसम्म पुर्याउन समस्या भएकोले आन्दोलनको स्वरुप परिवर्तन गरि नाकाबन्दी खुलाउनुपर्ने प्रस्ताव उनले बैठकमा राखेका थिए ।
यतिबेला नाकाबन्दीको असर सिधै किसानमा परेको छ, यदि उनीहरुको उखु समयमा मिलसम्म पुग्न सकेन भने उल्टो प्रतिकृया आउन सक्ने सम्भावना रहेकाले यसमा विचार गर्नैपर्ने कुरा राखेको बैठकमा सहभागि एक नेताले बताए । नाकाबन्दी खुलाउनुपर्ने कुरा जिल्ला जिल्लाबाट पनि आइरहेको छ, अन्य जिल्लाका साथीहरुसँग यस विषयमा कुरा गरेर निर्णय गर्नुपर्ने सुझाव उनले बैठकमा दिएका थिए । उपेन्द्र यादवको प्रस्तावप्रति तमलोपका अध्यक्ष महन्थ ठाकुर सकारात्मक देखिएको छ । सरकार वार्ताप्रति अलि लचिलो हुँदै गएको छ, मधेसी मोर्चासँग सकारात्मक वार्ता गर्ने भनि तीन दलले निर्णय गरेको छ, पुसभरि नाकाबन्दी खुलाउनु पर्छ भनि प्रस्ताव सद्भावना पार्टीबाट आएको थियो । त्यसमा अध्यक्ष उपेन्द्र यादव पनि सकारात्मक देखिएको छ । उनले पनि पुसमासान्तसम्म सरकारको क्रियाकलाप हेर्नुपर्छ माघमा गएर आन्दोलनको स्वरुप परिवर्तन गर्नुपर्छ भनि धारणा राखेको बताए । आजै तमलोपाका अध्यक्ष ठाकुरलाई रिर्पोटर्स क्लबले बुझाएको ज्ञापनपत्र बुझ्दै आगामि पुस १९ गतेपछि बस्ने संयुक्त लोकतान्त्रिक मधेसी मोर्चाको बैठकमा नाकाबन्दी अन्त्य गर्नेसहितको विषयमा छलफल हुने धारणा राखेका छन् । मोर्चाले समय समयमा आन्दोलनको स्वरुप परिवर्तन गर्दै आएको छ । अहिले पुष १९ गतेसम्मको कार्यक्रम चलिरहेको छ । त्यसपछि बस्ने मोर्चाको बैठकमा नाकाबन्दी अन्त्यसहितका एजेण्डाहरुमा छलफल हुने उनले बताए ।’ratopati
|
|
|
Write Comment Below:
