भारत नेपाल भन्दा २२ गुण ठुलो देश हो, क्षेत्रफलका हिसाबले । सार्वभौमिकताको हिसावले भारत र नेपालको हैसियत समान छ ।
संयुक्त राष्ट्रसंघमा पनि नेपाल र भारतले पाउने हैसियत बराबर हो । बरु राष्ट्रसंघको सुरक्षा परिषद्मा नेपाल अस्थायी सदस्य भैसकेको छ ।
भारतले नेपालको हैसियत माथि देखिसकेको छ । तर, त्यही भारत अहिले नेपालमाथि राज गर्न खोजिरहेको छ ।
अनि हाम्रा प्रधानमन्त्रीको बेडरुममै पुगेर फर्कीए । तर, त्यही राजदुर रायको देशले भने हाम्रो उपप्रधान एवं परराष्ट्र मन्त्री कमल थापामाथि मात्रै हैन नेपाली जनतामाथि ने अपमान गरेको छ ।
भारत भ्रमणमा रहेका थापालाई भेट दिन पहिला त विदेश मन्त्री सुष्मा स्वराजले नै आलटाल गरिन् ।बल्ल बल्ल भेट दिएर दादागिरी देखाइन् । नेपाली जनतालाई अर्ति र उपदेश दिइन् ।
धार्मीक अतिवादी आरएसएसको बलमा चुनाव जितेर सत्तामा पुगेको भारतीय जनता पार्टीको दादागिरी यतीमा सिमित भएन। नेपाली जनताको मतबाट सांसद बनेर उपप्रधानमन्त्री बनेका थापालाई अपमान गर्नु भनेको नेपाललाई अपमान गर्नु हो ।
भारतीय प्रधानमन्त्री मोदीका सुरक्षा सल्लाहकार अजित देभलले मोदीले बिहबिार बिहान भेट्न चाहनुभएको छ भन्दै थापालाई दिल्लीमै रोके। तर, बिहीबार बिहान मोदीले यस बारेमा अनविज्ञता प्रकट मात्रै गरेनन् थापासँग कुनै हालतमा नभेट्ने बताए । उनै देभलले अन्तिममा सरि भनेपछि थापा निराश भएर फर्कीए ।
नेपाल र नेपालको सरकारलाई मामुली सोचेर हाम्रा प्रधानमन्त्री, राष्ट्रपतिको चुलो चोकोसम्म पुगेर आन्द्राभँडी पत्तालगाउने हैसियत उस्का राजदुतलाई हुँदा हाम्रा उपप्रधानमन्त्रीलाई भेट दिएर पनि नभेट्ने अधिकार मोदीलाई कस्ले दियो ?
के मोदीको मनमा मानवता भन्ने शब्द छैन । नेपाली जनताकालागि जनताका प्रतिनिधिले जारी गरेको संविधानलाई बहाना बनाएर आयात ठप्प पार्ने अनि अमानविय नाकाबन्दी लगाएर दिल्लीमा बसेर रमाउने अधिकार उनलाई छ?
अनि समस्याको गाँठो फुकाउनकालागि नेपाल सरकारबाट भएको उच्चस्तरीय पहललाई कमजोरी ठानेर हेपाहा प्रवृत्ति देखाउने अधिकार दिल्ली दरबारलाई छ ?
निकै उत्साहीत हुँदै दिल्ली पुगेका थापालाइ रोकेर मोदीले उनको बेइज्जत मात्र गरेका छैनन्, नेपालीमाथिको अविश्वास पनि हो यो ।
यो प्रकरणले नेपालले पनि कुटनीतिक मर्यादालाई थप बलियो बनाउनुपनेृ आवश्यकता देखाएको छ ।
दिल्ली दरबारले समय अभाव भन्दै हाम्रा प्रमुखलाई नभेट्दा अब भने हाम्रा कुटनीतिक नियोगले पनि यसबारेमा सोच्ने बेला भएको छ ।
अझ उनै थापाले नेतृत्व गरेको मन्त्रालयले यो विषयमा बलियो कानुन बनाउनु पर्छ अनि हाम्रा नेताहर पनि भारतीय दुतले जहाँ जहिले र जसरी भेट्न बोलायो, त्यही लुखुर लुखुर जानु हुदैन ।
अब भारतले जसरी नेपालमाथि बेइज्जत गरेको छ, त्यसको बदला लिदनै पर्छ । थापाले नेपाल आएलगत्तै भारतका दुतलाई पनि अब बाक्लो भेटघाट रोक्ने नीति र आचारसंहिता बनाउन सक्नुपर्छ ।
nepalsandesh
