जापान । जापानमा रहेका नेपालीहरुमाथि आइपर्ने आपतकालीन समस्या समाधानकालागि एनआरएन जापानले राहतकोष स्थापनालाई तिब्रता दिएको छ ।
यसकालागि एनआरएन जापानले मह जात्रा–२०१५ को आयोजना गर्ने भएको छ । जापानमा रहेका नेपालीहरुलाई अपरझट् रुपमा आइपर्ने समसया समाधान गर्नका लागि एनआरएन जापानले राहत कोष स्थापना गर्ने तयारी गरेको हो ।
आगामी जुन २० तारेखमा टोकीयोमा उक्त कार्यक्रमको आयोजना गरिने आयोजकले जनाएको छ । कार्यक्रममा मह जोडीका साथै अन्य चर्चित कलाकारहरुको पनि सहभागिता रहने छ ।
कार्यक्रममा चर्चित गायिका आस्था राउत, पुर्व मिस टिन प्रियंका कार्की, यमन श्रेष्ठ, मोहीत आचार्य, नरेन्द्र कंशाकार, बमबहादुर कार्की र क्रिकेटर पारस खड्का लगायतका चर्चित कलाकर्मी तथा मोडलहरुको सहभागिता रहने एनआरएन जापानका अध्यक्ष मधुसुदन थापाले नेपाल सन्देशलाई जानकारी दिए ।
उक्त कार्यक्रमबाट उठेको रकम एनआरएन जापानले स्थापना गर्ने आपतकालीन राहत तथा उद्दार कोषमा जम्मा गरिने थापाले बताए ।
कार्यक्रमको प्रचार प्रसारमा सक्रिया सहयोग गर्न एनआरएन जापानले जापानमा रहेका नेपालहिरुको विभिन्न संघ संस्थाहरुलाई आह्वान समेत गरेको छ । एनआरएन जापानका पारशमणी पोखरेलका अनुसार उक्त कोष ५ करोड जापानी ऐनको हुनेछ ।
nepalsandesh
